ජංගම දුරකථන තෝරන්න සහ සන්සන්දනය කරන්න

ජංගම දුරකථන සහ සෑම දුරකථනයකම විස්තර සහ ශ්‍රී ලංකාවේ අලෙවි කරන ජංගම දුරකථන මොඩලයන්හි විස්තර සුවිශේෂිතා සංසන්දනය කරන්න.

ඔබේ ජංගම දුරකථනය පිළිබඳ නිවැරදි තොරතුරු දැනගන්න

හොඳම ජංගම දුරකථනයක් මිලදී ගැනීමට යාමේදී තෝරා ගැනීමට දුරකථන වර්ග රැසක් තිබේ. ඔබට වැදගත්වන දුරකථන පිළිබඳ අප නොමිලේ ලබා දෙන උපදෙස් නිසා අවසානයේදී ඔබට පහසුවෙන් හොඳම තෝරා ගැනීමක් සිදුකළ හැක.

මට අවශ්‍ය වන්නේ කුමන වර්ගයේ ජංගම දුරකථනයක්ද?

ඔබේ ජංගම දුරකථනය භාවිතා කරන්නේ කුමන ආකාරයටද යන්න මත ඔබ මිලදී ගතයුත්තේ කුමන වර්ගයේ දුරකථනයක්ද යන වග තීරණය වේ. ඔබ භාවිතාකිරීමට සිතන පහසුකම් සහ එම දුරකථනය නොමැතිව ඔබට භාවිතා කළ හැකි පහසුකම් පිළිබඳ සැලකලිමත් වෙන්න.

මූලික දුරකථන

මූලික ලාභදායී දුරකථන
ඔබ ජංගම දුරකථනයක් භාවිතා කරන්නේ ඇමතුමක් ගැනීමට සහ කෙටිපණිවිඩ යැවීමට පමණක් යැයි සිතන්න. එසේනම් ඔබට 3G අන්තර්ජාල පහසුකම, වීඩියෝ කැමරා සහ GPS සිතියම් පහසුකම් අවශ්‍ය නොවේ. එම නිසා ඔබට වඩාත් අඩු මිල ගණනකට ඇති දුරකථනයක් හොඳින්ම ප්‍රමාණවත් වේ.

මූලික සරල ජංගම දුරකථනයක මිල සාමාන්‍යයෙන් රැපියල් 2,500 සිට 7,000 පමණ දක්වා වේ. ඒවා භාවිතය ඉතාම පහසු වන අතර බැටරියෙහි ආයු කාලය ඉතා දීර්ඝ වේ. ඇතැම් මූලික ජංගම දුරකථන වල රෙසලූෂන් ප්‍රමාණය අඩු ඩිජිටල් කැමරා සහ මියුසික් ප්ලේයරයන් අන්තර්ගත කර ඇත.

නවතම ස්මාට් ජංගම දුරකථන

ලාභදායී ස්මාට් ජංගම දුරකථන
අද භාවිතා කරන ජංගම දුරකථන බොහෝමයක් ස්මාට් දුරකථනයන් වේ. අන්තර්ජාලයේ සැරිසැරීමට, ඡායාරූප ගැනීමට,GPS මගින් මාර්ග විස්තර දැනගැනීමට, ඊමේල් පරීක්ෂාවට, සංගීතයට සවන්දීමට, වීඩියෝ නැරඹීමට සහ ඔබේ කැමැත්ත ඇති බොහෝ පහසුකම් රැසක් මේවායේ අන්තර්ගත වේ. එසේම ඇප්ස්ටෝර්ස් මගින් අවශ්‍ය මෘදුකාංග විශාල ප්‍රමාණයක් ඩවුන්ලෝඩ් කරගෙන ක්‍රියාකාරීත්වය ලබා ගැනීමටද හැකියාව තිබේ.

ඔබට ස්මාට් දුරකථනයක් මිලදී ගැනීමට අවශ්‍යනම් ඒ සඳහා බැංකු මංකොල්ලයක් සිදුකිරීමට අවශ්‍ය නැත. ඒ වෙනුවෙන් වෙනත් විසඳුම් ඕනෑ තරම් තිබේ. වඩාත් ජනප්‍රිය වෙළෙඳනාමයන් සහිත ස්මාට් දුරකථන වල ඇති පහසුකම් ප්‍රමාණයම තිබෙන වඩාත් ලාභදායී හෝ මධ්‍යම ප්‍රමාණයේ මිල ගණන් සහිත සුමාට් දුරකථන දැන් වෙළෙඳපොලේ තිබේ. එම ලාභදායී ස්මාට් දුරකථන වල වඩාත් පැතලි තිර, හොඳ තත්ත්වයේ කැමරා සහ වේගවත් ප්‍රොසෙසර් නොමැති වුවත් මිල ගණන් ඉතාවැඩි ස්මාට් දුරකථන වල කාර්යයම සිදුකර ගත හැක.

රුපියල් 5,000 සිට 10,000 දක්වා මිලකට එවන් දුරකථනයක් මිලදී ගත හැක.